Gallery mein baithe-baithe

Gallery mein baithe-baithe

Dekhta hu logo ko aate jaate hue



Aur sochta hu kabhi tere baare mein ae dost

Ki shayad ..us mod se, us darakht ke peeche se

tu ekdum se aayegi chalte hue,

aur paas aakar kahegi ..dekho mai aa gayi

Roj baat karte hai hum is tarah jaise

Ek dusre ke saamne hi baithe ho;

Aur lo aaj mai aa gayi yeh dekhne ki

Tum saamne kaise dikhte ho, kaise bolte ho..



Lagta hai kabhi ki us mod par nahi hai,

balki gallery mein mere pichhe hi khadi hai

Aur khade hokar dekh rahi hai ki,

Mere gallery se duniya kaisi dikhti hai



Phir shayad kamre mein ghusegi

Aur dhundegi ki maine,

aankho ka tera batay hua nussakha banaya ki nahi...

Phir room se bahar aakar kahegi -

"Tum bade laparwah ho, jao mai tumse baat nahi karti"



Phir agle hi pal kahegi ki mera itna khayal rakhte ho

aur apni jara bhi parwah nahi....



Sochta hu gallery mein baithe-baithe kabhi aie dost

ki tu us mod par us darakth ke peeche hi khadi hai,

Aur mujhe dekh rahi hai khamoshi se..aur soch rahi hai ki ...

Gallery mein baithkar soch raha hu tere baare mein.